SERAMİK PİLTƏLƏR VƏ DEKORLAR HAQQINDA

Dükanlardan kafel metlax alarkən üzərindəki rəng kodu, eyni istehsal tarixi və digər lazımi kodlarına diqqət yetirin! Seramik iç və çöl məkanlarda, hovuz, ticarət obyektləri və s. bir çox yerlərdə istifadə olunur. Seramikləri istifadə olunacaq məkana uygun seçmək lazımdır. Seramik əgər kafe, restoran kimi yerlərdə işlədiləcəksə sərtlik, ləkələrə və kimyəvi maddələrə dayanıqlıq və asan təmizlənmə kimi texniki özəllikləri nəzərə alınmaqla kafel, metlax və dekor seçilməlidir. Çöl məkanlarda istifadə olunacaq metlaxlar dona dayaniqlı və az su əmmə özəlliyinə sahib olmalıdır. Kafel metlax döşənəcək yer quru, tozsuz, yagsız və təmiz olmalıdır.

Alçiban üzərinə kafel necə döşənir?

Alçiban əsasən iç məkanlarda ara qat yaratmaq, otagı bölmək məqsədilə istifadə olunur.Alçiban deformasiya olundugu üçün üzərinə yapışdırılacaq kafellərin də elastik olması gərəkdir. Alçiban üzərinə  kafel  yapışdırmaq üçün elastik səth ilə yaxşı  əlaqə yarada bilən, yapışma qabiliyyəti yüksək olan seramik yapışdırıcısı ıstifadə olunmalıdır.                                                 

Kafel döşənməmişdən  öncə alçiban vurulan sahənin keyfiyyəti  yoxlanmalı , şovları  alçı və ya fuga-gips ilə doldurulmalıdır. Alçibanda əsas karkasın düzgün və güvənilir bir şəkildə bərkidildiyindən əmin olmaq lazımdır.

Kafel- metlax seçərkən yalnız onun dizayn gözəlliyini deyil, harada işlənəcəyindən asılı olaraq texnoloji xüsusiyyətlərini də nəzərə almaq lazımdır.Misal üçün mətbəxdə kafel və metlaxdan istifadə olunacaqsa bir neçə məqama diqqət etmək lazımdır. Əgər döşəmə bütünlüklə metlax olacaqsa onda metlaxın sürüşkənliyini və qalınlıgını nəzərə almaq vacibdir. Şünki agır bir əşyanın döşəməyə düşməsi nəticəsində metlaxın sınma ehtimalı var. Sınmış metlaxın restavrasiya olunması əziyyətli işdir. Həmçinin nəzərə almaq lazımdır ki, yaglı maddənin və ya suyun yerə düşməsi döşəməni sürüşkən edə bilər. Sanuzel otagında metlaxdan istifadə edərkən mümkün qədər döşəmə üçün sürüşkən olmayan metlaxdan istifadə etmək məsləhətdir. Xüsusilə də üzərində cüzi qədər zolaqları və ya çıxıntıları olan metlax sürüşkənliyi xeyli azaldır. Sanuzel, mətbəx, dəhliz və eyvan üçün seramik pilitələr seçərkən mütəxəssislərlə məsləhətləşmək vacibdir. Əks təqdirdə interyerinizi bərbad vəziyyətə sala bilərsiniz.